结束左连续13日的艰苦奋斗之后，我头尾16日去左好多唔同的地方。不得不感叹，唉，感先至系暑假嘎嘛！

 

      先系开车去左福建。同车有个哥哥，仲有爸爸妈妈同一只大狗。好乖的苏牧喔。可惜，距的主人要将距送去江西啦。因为哥哥准备结婚要bb，听讲要呢D 宠物好多d微生物的传染源，会影响BB嘎。爱狗，温柔，又识煮饭的男人，真系买少见少啦！

 

      大概开左11个钟车，我地去到剪刀峡啦！呢度都算系庐山一个比较新的景区。庐山真系好鬼大嘎！然后我地系江西玩左5日，就开始往福建南靖去了。呢个过程好惊险，不得不提嘎。我地从朝早8点就出发，但去到南靖已经12点了。点解？因为我地系龙岩落高速往书洋镇方向行的时候行错路！！因为个烂鬼Gps指左我地行一条好得人惊的小路！！一路无人而且望住d草越来越高，仲高过我地部车。真系吓死了。虽然话当时车度有3个男人，（其中一个系中年大叔，就系我爸爸，一个系读书人，一个弟弟，仲有一个就系个哥哥啦，所以其实“壮丁”只有个哥哥一个，都几惊嘎。）但个心都系好惊。我好惊特然有D强盗系草丛中跳出来啊。后尾谂翻，都觉得自己傻傻地，边有人埋伏系果d地方啊！人烟都无的！后来比我地稳到个船厂，经人指点，我地先行翻出去。吓死。于是一段本来只有40分钟的路程，我地行左3个钟，仲要惊出一身冷汗。

 

      不过事后证明，系值得嘎！南靖的土楼真系好美丽好壮观！非常好体！而且个小镇好舒服好安静，人都好朴实。不过大家唔好系长假去喔，因为d人会多到爆！仲有，果度有正宗的“烧仙草”吃。同凉粉一d都唔同嘎！而且我第一次见到“仙草”呢种植物。

 

      离开福建，我地往广东行啦。系梅州休息左一晚。老实讲，我都几中意去梅州。除左系自己乡下之外，果度D也真系好好吃啊！次次去到吃也，都觉得特别正！

 

      翻到广州休息左一日，就同人去左阳江。点讲都好，广东境内的海水都系闸坡比较好。粤东果d真系好恶劣。

 

      又休息左一日之后，我就同爸爸妈妈仲有距地d朋友，一行21人，去左三亚了。自由行的。所以成日都系酒店。哈哈。

 

      三亚真系好美丽啊！！海天一色，蓝到不得了。一D都唔比外国的差。不过下次有机会，我会转另外的酒店咯。因为今次住果间，号称5星喔。结果3点几都未比到房我地！话未搞完卫生咯！咩效率啊？虽然有少少影响，不过无损三亚的美丽。大概要5点半之后先可以去游水。d海水好清好美丽，见到水母同好多寄生蟹。哈哈。第二日我地去左潜水。不过老实讲啦，D鱼唔够多，珊瑚都唔够靓咯。哈哈。不过我今次好伟大，顶住大太阳，一间一间酒店感行。d酒店真系好靓啊！不过价钱一样好昂贵。呵呵。等我有钱先可以去住了。第三日我地去左槟榔谷，一个少数民族住的地方来。然后下午就飞翻广州了。

 

      翻到来好攰啊～～呢个星期要开始好好感去做功课了～～～